शिव शिखर सहकारीको १४ अर्ब ठगीका नाइके केदारनाथ शर्मा भारतको मुम्बईमा समातिए
ललितपुर । १४ अर्ब रुपैयाँभन्दा बढी निक्षेप हिनामिना गरेको आरोप लागेका शिव शिखर बहुउद्देश्यीय सहकारी संस्थाका पूर्वअध्यक्ष केदारनाथ शर्मा पक्राउ परेका छन् । नेपाल प्रहरीको केन्द्रीय अनुसन्धान ब्युरो सीआईबीको टोलीले उनलाई भारतको मुम्बईबाट पक्राउ गरेको हो । । मुम्बईमा लुकिछिपी बस्दै आएका शर्मालाई पक्राउ गरी सोमबार नेपाल ल्याइएको हो ।
शर्माको नेतृत्वमा स्थापना भएको शिव शिखर सहकारी र तुलसी सहकारीले १४ अर्बभन्दा धेरै सर्वसाधारणको निक्षेप हिनामिना गरेको छ । उक्त हिनामिनाको मुख्य नाइके शर्मा भएको अनुसन्धानमा खुलेपछि उनलाई भक्तपुर र मोरङमा मुद्दा दायर भइसकेको छ । अन्य जिल्लामा उनीविरुद्ध अनुसन्धान जारी छ । सहकारीमा समस्या आएपछि केही महिनायता उनी भारतमा बस्दै आएका थिए ।
बाँकेको कोलहपुर स्थायी घर भएका न्यौपानेले सहकारीबाट ठगेको रकम भारतको राजस्थानलगायत ठाउँमा लगानी गरेकोसमेत अनुसन्धानमा खुलेको छ । ०७७ सालमा भक्तपुरको शिव शिखर कृषि सहकारी र शिखर दीप बहुउद्देश्यीय सहकारी मर्ज भएर शिव शिखर बहुउद्देश्यीय सहकारी संस्था बनेको थियो । उनैले मोरङमा तुलसी सहकारी संस्था पनि खोलेका थिए ।
तर संस्था संकटमा परेपछि पूर्वअध्यक्ष शर्मा बेपत्ता भएका थिए । शर्मा भारतका कानपुर, बहराइच, लखनउ, मुम्बई लगायतका स्थानमा लुकिछिपी बस्दै आएका थिए । संस्थामा निरन्तर धाइरहे पनि रकम फिर्ता नपाएपछि बचतकर्ताहरुले सीआईबी र सहकारी विभागमा उजुरी दिएका थिए । बचत तथा मुद्दती खाता खोली जम्मा गरेको रकमको सावाँ तथा ब्याज रकम बचत तथा मुद्दती खाताको अवधि पुगिसकेपछि पनि फिर्ता नपाएको भनी संस्थाका निक्षेपकर्ता सदस्यहरुले जाहेरी दरखास्त दिएपछि सीआईबीले अनुसन्धान सुरु गरेको थियो ।
अनुसन्धानको क्रममा सीआईबीले यही असार १ गते एक सूचना जारी गरी काठमाडौं र ललितपुर जिल्ला भित्रका सेवा केन्द्रहरुमा निक्षेपकर्ता सदस्यहरुले जम्मा गरेका रकम हिनामिना भई ठगी हुन गएको भए प्रमाणसहित जाहेरी दिन आह्वान गरेको थियो । सहकारी क्षेत्र सगँ सगै विभिन्न ब्यवसायमा समेत लगानी गरेका शर्माका कम्पनीहर यतिबेला धमाधम बन्द हुने अवस्थामा पुगेका छन । शर्माले उपकार मिडिया ग्रुप पनि संचालन गरेका छन त्यस अन्तर्गत को अर्थन्युज टेलिभिजनले बिगत ५ महिना देखि काम गर्ने पत्रकार र कर्मचारीहरुको मासिक पारिश्रमिक दिन सकेको छैन । टेलिभिजन घाटामा गएको भन्दै यतिबेला टेलिभिजन नै बन्द गरिएको छ ।
क्याटेगोरी : अर्थ/सहकारी, खोज मिसन, जनगुनासो, देश
थप समाचार
धेरै पढिएका
प्रतिक्रिया