ललितपुर । आगामी चैत २२ गते शुक्रबार र २३ गते शनिबार ‘कुमारीपाटी जावलाखेल सडक महोत्सव’ आयोजना हुने भएको छ । कुमारीपाटी जावालाखेल विकास संस्थाले ललितपुरमा सोमबार पत्रकार सम्मेलन गरेर इटी चोकदेखि कुमारीपाटी, तफाल्हो, जावलाखेलसम्म करिब १ किलोमिटर दूरीको क्षेत्रमा दोस्रो पटक विभिन्न सांस्कृतिक कार्यक्रमका साथ पहिचान सहितको कुमारीपाटी जावलाखेल महोत्सव आयोजना गर्न लागेको जानकारी दिएको हो ।
महोत्सव ललितपुर महानगरपालिकाको सहआयोजना तथा ललितपुर उद्योग वाणिज्य संघ र ललितपुर चेम्बर अफ कमर्सको सहयोगमा महोत्सव आयोजना हुन लागेको हो । महोत्सवमा सांस्कृतिक कार्यक्रम शुरु हुनु अघि बि–वोइङ्, बाइक स्टन्ट शो लगायतका मनोरञ्जनात्मक कार्यक्रम पनि प्रस्तुत गरिने संस्थाका अध्यक्ष बिरेन्द्रलाल श्रेष्ठले जानकारी दिए ।
कार्यक्रमलाइ अझै रोचक बनाउन किड्स जोन, फेश पेन्टिङ्, ट्याटु, विभिन्न परिकारका फूड स्टल, हस्तकला र अन्य व्यवसायहरुको व्यापार प्रर्वद्धन गर्न करिब एकसय पचास भन्दा बढी स्टलहरु पनि राखिने जानकारी दिए । त्यस्तै पहिचान सहितको महोत्सवलाई आकर्षक रुपमा प्रस्तुत गर्न र कुमारीपाटी जावालाखेल क्षेत्रको पहिचानलाई उजागर गर्न मछिन्द्रनाथ देवता ल्याउनलाई अग्रणी भुमिका भएका राजा नरेन्द्रदेव,तान्त्रिक बन्धु दत्तु र ललित ज्यापुको झाँकीका साथै जिवित देवी कुमारीहरुलाई आमन्त्रण गरी सर्व साधारणलाई दर्शन गर्न ब्यवस्था समेत मिलाउने तयारी पुरा भएको उनले बताए ।
महोत्सव बिहान ८ बजेदेखि राति ९ बजेसम्म आयोजना हुनेछ । उपत्यकामा भएका अरु महोत्सव मध्ये यस महोत्सवलाई सवैभन्दा व्यवस्थित एवम अविस्मरणीय बनाउन आन्तरिक तथा बाह्य गरि करिब पाँच लाख आगन्तुकहरुले यो महोत्सव अवलोकन गर्ने विश्वास आयोजक पक्षको छ । साथै महोत्सवलाइ मर्यादित एवम् शान्तिपूर्ण ढंगले सञ्चालन गर्न ललितपुर जिल्ला प्रशासन कार्यालयबाट सुरक्षा निकाय खटाइनुका साथै विभिन्न उपसमिति मार्फत महोत्सव सम्पन गर्न जानकारी समितले पत्रकार सम्मेलन गरेर जानकारी दिएको थियो ।
क्याटेगोरी : जनगुनासो, देश, प्रमुख समाचार
थप समाचार
धेरै पढिएका
प्रतिक्रिया