राजतन्त्रको वकालत नगर्न नेपाल कम्युनिष्ट पार्टी (माओवादी) को चेतानवी (विज्ञप्तिसहित)
नेपाल कम्युनिष्ट पार्टी (माओवादी) ले मुलुकमा राजतन्त्र फर्काउने तत्वहरुसँग लड्न तयार रहेको बताएको छ । सामन्तवादको अवशेष राजतन्त्रको वकालत गरेर नहिँड्न पनि उक्त पार्टीले चेतावनी दिएको छ ।
महासचिव गौरवले सोमबार एक विज्ञप्ति जारी गर्दै राजतन्त्रको वकालत गर्नेहरुलाई बैँक ठग, सामन्तवादको रैतिहरु जुठो खान पल्किएको टिप्पणी गरिएको छ । विज्ञप्तिमा भनिएको छ–“२–४ जना कराउँदैमा इतिहास पल्टिदैन । पश्चगमनका विरुद्ध आवश्यक परे लड्न तयार छौँ । पश्चगामी सामन्तवादी अवशेषलाई खरानी बनाउनेछौँ ।”
राजावादीहरुको रवैयाप्रति पार्टीको गम्भीर ध्यानाकर्षण भएको भन्दै त्यस्ता गतिविधि तथा राज्यका आतंकविरुद्ध डटेर सामना गर्ने उल्लेख गरिएको छ । त्यति मात्रै होइन, सडकमै सडाउने चेतावनी पनि दिइएको छ ।
उक्त पार्टीले पछिल्लो समय विदेशीको इशारामा देशलाई कंगाल बनाउने षडयन्त्र भइरहेको निष्कर्ष निकालेको छ । मुलुकमा एकपछि अर्को राष्ट्रघात र जनघात भएको उल्लेख गर्दै जनताले दुःख पाएकोमा चिन्ता व्यक्त गरिएको छ ।
वैदेशिक रोजगारीका लागि विदेश जानुपर्ने बाध्यताका कारण गाउँ समाजमा शव उठाउन पनि युवा तथा पुरुषहरुको अभाव भएको दयनीय अवस्थालाई यो पार्टीले उठान गरेको छ ।
हेर्नुहोस् विज्ञप्ति
क्याटेगोरी : देश
थप समाचार
धेरै पढिएका
प्रतिक्रिया