ललितपुर । ललितपुरको हातिवन स्थित आफनै भवनमा सन्चालित नमस्ते बचत तथा ऋण सहकारी संंस्था लिमिटेडले १८ औँ वार्षिक साधारण सभा सम्पन्न गरेको छ । संस्थाका अध्यक्ष रामकेशर विष्टको सभापतित्वमा ललितपुर जिल्ला बचत तथा ऋण सहकारी संघ लिमिटेडका अध्यक्ष रामहरी बजगाईको प्रमुख आतिथ्यतामा नस्मते साकोसको वार्षिक साधारण सभा सम्पन्न भएको हो ।
सभामा वार्षिक प्रतिवेदन पेश गर्दै संस्थाका अध्यक्ष अध्यक्ष विष्टले सहकारीले सामाजिक, आर्थिक तथा सांस्कृतिक क्षेत्रमा पु–याएको योगदानबारे चर्चा गर्दै सहकारीको बारेमा भएका अनर्गल हल्लाको पछि नलाग्न आग्रह गरे ।
सहकारी शिक्षा कार्यक्रममार्फत सदस्यहरुमा सहकारीप्रतिको महत्व र आवश्यकता बुझाई संस्थालाई वित्तीय रुपमा बलियो बनाउन लागि परेको र सदस्यहरुको विश्वासका कारण आर्थिक मन्दी र विषम परिस्थितिमा पनि संस्थाको वित्तीय सुचाङ्क बलियो रहेको उनको भनाई थियो ।
कार्यक्रमका प्रमुख अतिथि बजगाईले सदस्यहरुले संस्थालाई सबल बनाउन नियमित रुपमा बचत गर्नुपर्ने बताए । संस्थालाई वित्तीय रुपमा बलियो बनाउन सदस्यहरुको सक्रिय सहभागिता आवश्यक पर्ने भन्दै नियमित कारोबार गरी ऋण लिएर आर्थिक रुपमा सबल हुन उनले सबै सदस्यलाई आग्रह गरे ।
क्याटेगोरी : अर्थ/सहकारी, देश, प्रमुख समाचार
थप समाचार
धेरै पढिएका
प्रतिक्रिया