लोकेश लिम्बुको नेतृत्वमा २३ सदस्यीय प्रेस सेन्टर उपत्यका प्रदेश समिति निर्विरोध चयन
ललितपुर । लोकेश लिम्बुको नेतृत्वमा प्रेस सेन्टर नेपालको उपत्यका प्रदेश समिति निर्विरोध चयन भएको छ । काठमाडौंमा सोमबार सम्पन्न दोस्रो अधिवेशनबाट लिम्बुको अध्यक्षता २३ सदस्यीय नयाँ कार्यसमिति चयन भएको हो ।
लिम्बु यस अघि कार्यसमितिको उपाध्यक्ष थिए । निवर्तमान बरिष्ठ उपाध्यक्ष सागर पन्त र लिम्बुविच अध्यक्षका लागि दाबी कायम रहेपछि आइतबार नेतृत्व चयन हुन सकेको थिएन । अन्तिम समयमा पन्तले अध्यक्षको दाबी छोडेपछि लिम्बु निर्विरोध अध्यक्ष चयन भएका हुन् ।
समितिको उपाध्यक्षमा बुद्ध योन्जन, उपाध्यक्ष समावेशीमा श्याम तण्डुकार र उपाध्यक्ष महिलामा सरिता थापा चयन भएका छन । यस्तै महासचिवमा रोशन क्षेत्री चयन भएको प्रेस सेन्टर नेपालका उपाध्यक्ष एवम उपत्यका प्रदेश समिति इञ्चार्ज निर्मल ज्ञवालीले जानकारी दिए । समितिको सचिव खुल्लामा सुवास शर्मा र भिमराज खड्का, सचिव जनजातिमा बाबुकाजी श्रेष्ठ, सचिव महिलामा शारदा घिमिरे, सचिव दलितमा बिक्रम रत्न र कोषाध्यक्षमा कुबेर दाहाल निर्विरोध चयन भएका छन् ।
क्याटेगोरी : जनगुनासो, देश, प्रमुख समाचार
थप समाचार
धेरै पढिएका
प्रतिक्रिया