राजतन्त्र फर्काउने दुस्साहस नगर्न जनमुक्ति सेना नेपालको चेतावनी (विज्ञप्तिसहित)
नेपाल कम्युनिष्ट पार्टी निकट संगठन जनमुक्ति सेना नेपालले राजतन्त्र फर्काउने दुस्साहस नगर्न चेतावनी दिएको छ । आज जनमुक्ति सेना नेपालका सैनिक प्रमुख कमरेड अग्निले एक विज्ञप्ति जारी गर्दै लोकतान्त्रिक गणतन्त्र नेपालमा राजतन्त्र ल्याउने खेल भएमा मुलुक गृहयुद्धमा जान सक्ने चेतावनी दिएका छन् ।
मुलुकलाई गृहयुद्धमा लैजाने जोकोहीलाई फौजी कारबाही गर्ने चेतावनीसमेत दिइएको छ । विज्ञप्तिमा लेखिएको छ–“लोकतन्त्रमा नै रहेर अवस्था परिवर्तन होस् । राजतन्त्र ल्याउने कोही कसैले दुस्साहस नगर्न हाम्रो आग्रह छ । लोकतन्त्रलाई धोका दिए हामी जस्तोसुकै लडाई लड्न तयार छौँ ।”
मुलुकमा जनताद्धारा अनुमोदित सरकार रहेको उल्लेख गर्दै जनमुक्ति सेनाको त्याग र बलिदानीको भने उचित मूल्याङ्कन हुन नसकेको विज्ञप्तिमा उल्लेख छ । शान्ति प्रक्रियापछि जनमुक्ति सेनालाई विघटन गरेर नेपाली सेनामा गाभिए पनि उचित व्यवस्थापन नभएको उल्लेख गरिएको छ ।
त्यसैगरी पटक पटक सरकार परिवर्तन भए पनि जनताको अवस्था परिवर्तन नभएकोमा जनमुक्ति सेना नेपालले असन्तुष्टि व्यक्त गरेको छ । मुलुकको अवस्था हेर्दा आफूहरु निर्णायक मोडमा पुगेको उल्लेख गर्दै कसैले इतिहास मेटाउन खोजे वा षडयन्त्र गरे जस्तोसुकै लडाई लड्न तयार रहेको विज्ञप्तिमा उल्लेख गरिएको छ ।
पढ्नुहोस् विज्ञप्ति :
क्याटेगोरी : प्रमुख समाचार
थप समाचार
धेरै पढिएका
प्रतिक्रिया