जनमुक्ति सेना नेपालले भन्यो– चैत १५ गतेको उपत्यका बन्द अवज्ञा गरे कारबाही (विज्ञप्तिसहित)
काठमाडौ । भोलि चैत १५ गते उपत्यका बन्दको आह्वान गरेको नेकपा माओवादीको भातृ संगठन जनमुक्ति सेना नेपालले बन्दको अवज्ञा नगर्न आग्रह गरेको छ । आज जनमुक्ति सेना नेपालका सैनिक प्रमुख कमरेड अग्निले एक विज्ञप्ति जारी गर्दै बन्दको अवज्ञा गरेमा आइपर्ने अवस्थाको जिम्मेवारी सरकार र अवज्ञा गर्ने व्यक्ति आफैले लिनुपर्ने चेतावनी पनि दिएका छन् ।
विज्ञप्तिमा लेखिएको छ– “यदी बन्द अज्ञा गरेमा यसको जिम्मेवारी यो दलाल सरकार र स्वयम् बन्द अपमानकर्ताले जवाफि कार्वाही भोक्नु पर्नेछ ।” बन्द सफल बनाउनका लागि नेकपा माओवादी र जनमुक्ति सेना नेपालका कमरेडहरु चैत १५ गते विहान ५ बजेदेखि साँझ ५ बजेसम्म सडकमै रहने जानकारी पनि गराईएको छ ।
विज्ञप्तिमा २०५२ सालदेखिको वास्तविक माओवादी आफूहरु भएको उल्लेख गर्दै प्रचण्ड, वैद्य, विप्लव र धर्मेन्द्रलाई नक्कली माओवादीको संज्ञा दिइएको छ ।
विज्ञप्तिमा लेखिएको छ “हाम्रो पार्टी नेकपा माओपादी हो, आम नेपाली नागरिकलाई जानकारि गराउन र गर्न चाहान्छु । हामी सर्वहारा श्रमिक बर्गको पक्षमा २०५२ साल देखि धावा बोल्दै आएको कुरा हो । हामी एकदम २०५२ सालकै माओवादी हो ।
१) प्रचन्ड माओवादि केन्द्र रे
२) किरण बैद्य – क्रान्तिकारी माओवादी
३) विप्लप–कम्युनिष्ट पार्टि
४) धर्मेन्द्र – नेकपा बहुमत रे”
महान तथा गौरवशाली नेपाल कम्युनिस्ट पार्टी माओवादी सशस्त्र जनविद्रोह कार्य दिशा सहित वैज्ञानिक समाजवाद स्थापनाका लागि निरन्तर संघर्षका कार्यक्रमहरु गर्दै जनतासँग हातेमालो गरेर जनतासँगै सहकार्य गरिरहेको उल्लेख गरिएको छ ।
विज्ञप्ति :
क्याटेगोरी : प्रमुख समाचार
थप समाचार
धेरै पढिएका
प्रतिक्रिया