राजावादीको प्रदर्शनमा ज्यान गुमाएका सुरेश र सविनका परिवारलाई १० लाख राहत दिइने
ललितपुर । काठमाडौंको तीनकुनेमा शुक्रबार भएको राजावादीको हिंसात्मक प्रदर्शनका क्रममा मृत्यु भएका दुई जनाको परिवारलाई सरकारले राहतस्वरूप जनही १० लाख दिने भएको छ ।
गृहमन्त्री रमेश लेखकले बुधबार सरकारको राहत कोषबाट उक्त रकम पीडित परिवारलाई उपलब्ध गराउने निर्णय गरेका हुन् । त्यस्तै, पत्रकार र मिडिया हाउसको सुरक्षाका लागि समेत संवेदनशील भएर काम गर्न प्रहरी प्रधान कार्यालयलाई गृहमन्त्रीले निर्देशन दिएका छन् ।
शुक्रबारको घटनामा पत्रकार सुरेश रजकको आन्दोलनकारीले आगो लगाएको घरमा जलेर र कीर्तिपुरका सविन महर्जनको प्रहरीको गोली लागेर मृत्यु भएको थियो ।
क्याटेगोरी : जनगुनासो, देश, प्रमुख समाचार
थप समाचार
धेरै पढिएका
प्रतिक्रिया